जापान भरि एन.आर.एन को माहोल तातिरहेको अबस्थामा धमाधम विभिन्न क्षेत्रीय समिति हरुको अधिबेसन हरु हुदै गर्दा जसरि जापानको नेपाली समुदायमा माहोल तातिरहेको छ त्यसैगरी विभिन्न क्षेत्रीय समिति हरुमा पनि धमाधम अधिबेसन हरु सम्पन्न हुने क्रममा छन् जसमध्ये बहु प्रतिक्षित मानिएको टोक्यो मा ९ तारिक हुदैछ भने अर्को बहु प्रतिक्षित क्षेत्र कान्साइमा १० तारिक हुदैछ| एन.आर.एन कान्साइको निर्बाचन समितिले प्रक्रिया पुगेको उम्मेदवारहरुलाई उम्मेदवारी दिन आब्हान गरेको मिति जुलाई ३ तारिक भित्र उम्मेदवारी दिएका उम्मेदवार हरुको संख्या देख्दा यसपाली कान्साइमा राम्रै प्रतिस्पर्धा हुने स्थिति देखिएको छ|
सबै भन्दा प्रतिक्षित संयोजक पदको लागि महेश कुमार कटवाल,भूमिराज दवाडी,रमेश घिमिरे गरेर तिन जनाको उम्मेदवारी परेको छ,त्यसै गरि २ उपसंयोजक को लागि कृष्ण गैरे शर्मा ,प्रेम प्रसाद कंडेल र हरि प्रसाद कंडेलको उम्मेदवारी परेको छ भने सचिबमा
बिकाश पराजुली र सहसचिबमा बिष्णु प्रसाद सुबेदी, भुम गैरे र नर बहादुर थापा हुनुहुन्छ भने सबै भन्दा बढी उम्मेदवारी कोसाध्यक्ष पदको लागि ६ जनाको परेको छ जसमा महेन्द्र केसी, डिल्ली प्रसाद सापकोटा(बिष्णु),अनिल पौडेल,दिपक गौतम,सिबू थापा र सुबाश चन्द्र दवाडी छन् त्यसै गरि ७ सदस्यको लागि भने ठिक ७ जनाको मात्र उम्मेदवारी परेको छ जसमा सुरेश सापकोटा,बालकृष्ण सापकोटा, चुडामणि कंडेल, कृष्ण सुबेदी, राम नारायण केसी (रमेश),प्रकाश गैरे र ऋषिराम सापकोटा छन् .
एन.आर.एन कान्साईको आगामी कार्यकालको लागि नेत्रित्वो चयन र अधिबेसन यहि जुलाई १० तारिक ओसाकाको मिनातो कुमिन सेन्टर बेन्तेंचोमा हुदैछ| अधिबेसन तथा नया कार्यसमिति चयनको लागि उक्त दिन कार्यक्रम १४:०० बजे बाट सुरु गरिने जानकारी प्राप्त भएको छ.
संयोजक पदको लागि ३ जनाको आबेदन र सबै भन्दा बढी कोसाध्यक्ष पदको लागि ६ जनाको आबेदन आएकोमा हरसम्भब सहमतिमा लाने प्रयत्न भैरहेको र यदि उम्मेदवार हरु सहमतिमा नआएको खण्डमा त्यसै दिन निर्बाचन गरि सम्पूर्ण प्रक्रिया सम्पन्न गरिने निर्बाचन समितिका संयोजक नरेन्द्र बस्नेत(दिनेश) ले जानकारी गराउनु भयो.
