जनता समाजवादी पार्टी जसपा नेपालका अध्यक्ष उपेन्द्र यादवले सरकारको नीति तथा कार्यक्रमको कुनै औचित्य नभएको बताउनुभएको छ ।
मंगलबार संसद भवन नयाँ बानेश्वरमा सञ्चारकर्मीसंग कुरा गर्दै अध्यक्ष यादवले पराम्परा धान्नका लागि मात्रै ल्याइएको नीति तथा कार्यक्रमको कुनै औचित्य नभएको बताउनुभएको हो । यसलाई पास गर्नु र नगर्नुको कुनै अर्थ नरहेको उहाको भनाइ छ । अध्यक्ष यादवले वर्तमान सरकारलाई दिएको समर्थन फिर्ता लिने बिषयमा पार्टीभित्र कुनै छलफल नभएको बताउनुभयो ।
उहाले नीति तथा कार्यक्रमलाई समर्थन गर्ने वा नगर्ने भन्ने निर्णय पार्टी संसदीय दलको बैठकबाट हुने उल्लेख गर्नुभयो ।
