आईसीसी विश्वकप लिग–२ अन्तर्गत भएको क्रिकेट खेलमा नेदरल्याण्ड्सको जीत भएको छ ।
नेदरल्याण्डले घरेलु टोली स्कटल्याण्डलाई ४ विकेटको पराजीत गरेको हो । बिहीबार सम्पन्न खेलमा ३ सय ७० रनको लक्ष्य नेदरल्याण्ड्सले ४९ दशमलव २ ओभरमा ६ विकेट गुमाएर पूरा गरेको थियो । यो जीतसँगै नेदरल्याण्ड्सले इतिहास समेत रचेको बताइएको छ । त्यसअघि फोर्थहिल ग्राउन्डमा टस जितेर ब्याटिङ रोजेको स्कटल्याण्डले निर्धारित ५० ओभरमा ६ विकेट गुमाएर ३ सय ६९ रन बनाएको थियो । जारी लिग–२ मा नेदरल्याण्ड्सको यो १३ औँ जित हो । दोस्रो स्थानमा रहेको नेदरल्याण्ड्सले २४ खेलमा १३ मा जित, ९ मा हार तथा दुई खेलमा अंक बाँडेको थियो । स्कटल्याण्डले यस लिग–२ मा १९ म्याच खेल्दा १२ मा जित, १० मा हार तथा दुई खेलमा अंक बाँडेको छ । स्कटल्याण्ड अहिले तालिकाको तेस्रो स्थानमा रहेको छ । सातौं स्थानमा रहेको नेपालले १६ म्याच खेल्दासम्म ९ मा हार, पाँच जित र दुई खेलमा अंक बाँडेको छ । स्कटल्याण्ड सिरिजमा नेपालले चारमध्ये तीनमा जित र एक खेलमा हार बेहोरेको थियो ।।
